Ijtimoiy tarmoqlarda Rishtonda IIB xonasiga olib kirilgan fuqaro hushini yo‘qotgani va hanuzgacha o‘ziga kelmagani yuzasidan xabarlar tarqaldi. Bu haqda Farg‘ona viloyati IIB rasmiy munosabat bildirdi.

Ma’lum bo‘lishicha, joriy yilning 4-iyul kuni Rishton tumanining Gumbaz mahallasida fuqaro Cobalt rusumli transport vositasida qarama-qarshi yo‘nalishda harakatlanib “To‘xtash taqiqlanadi” yo‘l belgisi ta’sir doirasiga avtomashinani qo‘ymoqchi bo‘lganda, IIO xodimlari unga huquqbuzarligini tushuntirmoqchi bo‘lishgan. Biroq Cobalt haydovchisi xodimlarining qonuniy talabini bajarmasdan, haqorat qilib, transport vositasini shu yerda turgan fuqarolar va IIB xodimlari ustiga harakatlantirgan.

Shundan so‘ng huquqbuzarlik sodir etayotgan shaxs zararsizlantirilib, majburiy tarzda IIO tayanch punktiga olib borilgan. Tayanch punktiga uning akasi ham kelib, baqir-chaqir qilib, xodimlarga qarshilik ko‘rsatgan.

Shu payt avtomashina haydovchisining tutqanog‘i tutib o‘zini yo‘qotgan ( Ushbu fuqaroning muqaddam avtohalokat oqibatida orttirilgan epilepsiya kasalligi bo‘lgan). Hozirda fuqaroga tez tibbiy yordam ko‘rsatilib, uyiga javob berilgan. 

Shuningdek, tibbiy ko‘rik jarayonida fuqaroga jarohat yetkazilgan holati aniqlanmagan. 

Hozirda fuqaro ushbu fuqaro va akasiga nisbatan O‘zbekiston Respublikasi MJtKning 183-, 194-, va 195-moddalari tartibida hujjatlar rasmiylashtirilib qonuniy chora ko‘rish uchun sudga yuborilgan.

Xodimlarning harakatlariga huquqiy baho berish uchun xizmat tekshiruvi tayinlangan.

• Farg‘ona
• IIB