AQShning Ukrainadagi elchixonasi Davlat departamentidan barcha ikkinchi darajali xodimlar hamda diplomatlarning oilalarini Kiyevdan olib chiqib ketishni so‘ragan.
Xabarlarga ko‘ra, kecha tunda Qo‘shma shtatlardan Kiyevga AQSh Qurolli kuchlari transport qo‘mondonligi (USTRANSCOM)ning qurol ortilgan Boeing 747 samolyoti kelib qo‘ngan. Mazkur uchoq mamlakatdagi AQSh diplomatlari va ularning oilalarini Kiyevdan olib chiqib ketishi ehtimoli ilgari surilmoqda.
CNNning Ukraina hukumatidagi manbasiga tayanib xabar berishicha, evakuatsiya kelgusi haftadan boshlanadi. Manba prezident Zelenskiy va AQSh davlat kotibi Entoni Blinken bu borada muloqot qilgani haqida ham ma’lum qilgan. Ukraina hukumati Qo‘shma shtatlarning bu qarorga kelishini “ortiqcha bo‘rttirish” ekanini qayd etgan.
Ukraina Mudofaa vazirligining shu hafta taqdim etgan so‘nggi razvedka ma’lumotlariga ko‘ra, Rossiya chegara yaqinidagi mintaqaga 127 mingdan ortiq askarni joylashtirgan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!