Kongoda maymunchechak epidemiyasi e’lon qilindi. Sog‘liqni saqlash vaziri Gilbert Mokokining seshanba kuni bergan bayonotiga ko‘ra, o'lim qayd etilmagan. Bu haqda "Reuters" xabar berdi.

Ta’kidlanishicha, mamlakatda 19 ta kasallik holati tasdiqlangan. Aholiga hayvonlarga yaqinlashmaslik sharti e’lon qilingan. 

Kanadalik tadqiqotchilar Kongoning sharqiy qismida “pandemiyaga moyil” bo‘lgan maymun chechagining xavfli yangi turini aniqlagan.

Olimlar ushbu turdagi virus odamlar orasida, asosan, jinsiy aloqa orqali tarqalishi oshganini aytgan. Tadqiqotchilar yangi shtammning ba’zi mutatsiyalari mavjud testlar bilan aniqlanmasligini ta’kidlamoqda.

Shuningdek, mutaxassislar jarayonga aralashilmasa, kasallik milliy va xalqaro miqyosda tarqalishi mumkinligini ma’lum qilgan.

• Kasallik
• Kongo
• Maymun chechagi