Futbolchiga bir qancha grand klublar da’vogar.

“Atletiko”ni tark etmoqchi bo‘lgan Joau Feliksga PSJ va “Bavariya” qiziqish bildirmoqda.

22 yoshli futbolchi qishda Madrid klubini tark etmoqchi. Agar bu amalga oshmasa, yozda transferga erishmoqchi. Agar Joauning ketishi muqarrar bo‘lsa, “Atletiko” mavsum oxirida u bilan xayrlashishni afzal ko‘radi.

Ehtimol, Feliksning transferi yozda sotib olish majburiyati bilan ijara shaklida rasmiylashtiriladi.

As nashri xabariga ko‘ra, Feliksga allaqachon uchta klub - PSJ, “Bavariya” va Angliya jamoalaridan biri qiziqish bildirgan.

PSJ allaqachon Joauning atrofidagilar bilan bog‘lanib, parijliklarga qishdayoq chizilgan hujumchi bilan shartnoma imzolash imkonini beradigan formulani ishlab chiqishgan.

Shunga qaramay, transferni amalga oshirish oson bo‘lmaydi, chunki “Atletiko” Feliksni Portugaliya bilan JCh-2022da porlashini kutmoqda va vaziyat klub uchun qulayroq bo‘lishiga umid qilmoqda.

“Rojiblankoliklar” Joauning mavsumning ikkinchi qismida yaxshiroq futbol ko‘rsatishini istashadi. Agar portugaliyalikni sotish kerak bo‘lsa, unda bu holda “Atletiko” uning uchun kattaroq summani olishi mumkin bo‘ladi.

PSJ ham, “Bavariya” ham avvalroq Feliksni sotib olishga harakat qilishgan, ammo “Atletiko” muzokara qilishdan bosh tortgan. Futbolchining tovon puli - 350 million yevro.

Qayd etilishicha, Joauning “Atletiko” ustozi Diego Simeone bilan munosabatlari tig‘iz. Xalqaro o‘yinlardagi tanaffusdan so‘ng futbolchi olti uchrashuvda maydonda 37 daqiqa o‘tkazdi.

• Atletiko Madrid
• Futbol
• Transferlar