O‘zbekiston terma jamoasi bosh murabbiyi To‘lqin Qilichev BRIKS o‘yinlari oldidan jurnalistlarga intervyu berdi.
Qozon shahrida davom etayotgan VI BRIKS o‘yinlarining boks musobaqalari ko‘pchilik kutayotgan bahslar sirasiga kiradi.
Bugun, 19-iyun kuni o‘yinlar dasturiga muvofiq boks bahslari boshlandi.
Xo‘sh, O‘zbekiston terma jamoasi a’zolari to‘liq tarkibda qatnashadigan ushbu o‘yinlarda nomdor bokschilarimizdan aynan kimlar Qozon ringlarida jang o‘tkazadi?
Yurtimiz sport iftixori bo‘lgan Bahodir Jalolov ushbu o‘yinlarda ringga ko‘tariladimi?
O‘zbekiston terma jamoasi bosh murabbiyi To‘lqin Qilichev BRIKS o‘yinlari oldidan jurnalistlarga bergan intervyusida shu haqda to‘xtalib o‘tdi.
“Ushbu kompleks musobaqa shakli jihatdan Olimpiya o‘yinlariga o‘xshab ketadi. Parij-2024 oldidan bokschi uchun qancha ko‘p musobaqa bo‘lsa, shuncha yaxshi. Ayniqsa, og‘ir vazn toifasi bokschilarga har doim janglar kam bo‘lgan. Ayni holatlarni inobatga olgan holda Parij-2024 Olimpiadasida qatnashadigan 2 nafar bokschimiz — To‘rabek Habibullayev (-80) va Bahodir Jalolov (+91)ga ko‘proq jang amaliyoti zarurligidan kelib chiqib, murabbiylar kengashi bilan maslahatlashgan holda BRIKS o‘yinlarida qatnashishga ruxsat berildi.
Qolgan vazn toifalarida ikkinchi va uchinchi raqamli bokschilarimiz Qozon bahslarida g‘oliblik uchun kurash olib borishadi. Ular uchun bu musobaqa katta tajriba maktabi vazifasini o‘tashi bilan ahamiyatlidir”, - deya ta’kidlagan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!