Amerika Qo‘shma Shtatlarida futbol bo‘yicha klublar o‘rtasida jahon chempionati boshlandi. Unda jahonning 32 jamoasi o‘zaro raqobatlashmoqda.

Turnirning ochilish uchrashuvida “A” guruhidan o‘rin olgan “Inter Mayami” jamoasi va “Al Ahli” klubi o‘zaro raqobatlashdi. Bahs 0:0 hisobida yakunlandi va jamoalar bir ochkodan bo‘lishib oldi. Uchrashuvning 43-daqiqasida “Al Ahli” futbolchisi Mahmud Trezege penaltidan foydalana olmadi.

Musobaqaning bugungi kun uchrashuvlari ro‘yxatida “C” guruhida “Bavariya” va “Oklend Siti” bahsi ham o‘rin olgan. Uchrashuv Toshkent vaqti bilan soat 21:00 dastart oladi. Shuningdek, 16-iyun kuniga o‘tar kechasi soat 23:59 dan boshlab bizni “B” guruhida “PSJ” – “Atletiko Madrid” o‘rtasidagi ajoyib o‘yin kutib turibdi.

Musobaqada Ilgiz Tantashev boshchiligidagi o‘zbekistonlik hakamlar brigadasi ham ishlamoqda. 17-iyun kuni bo‘lib o‘tadigan “Fluminense“ – “Borussiya Dortmund” o‘rtasidagi uchrashuvda Ilgiz Tantashevga qanotlarda Andrey Sapenko va Timur Gaynullin yordam beradi.

• AQSh
• Futbol
• Jahon chempionati
• Klublar o‘rtasida Jahon chempionati