Bu haqda Fransiya prezidenti Emmanuel Makron X ijtimoiy tarmog‘idagi sahifasida ma’lum qildi.

“Fransiyaning dengizorti hududi bo‘lgan Yangi Kaledoniya siyosiy harakatlari yangi davlat tuzish bo‘yicha kelishuvga erishilganini e’lon qildi. Yangi davlat muayyan darajada avtonomiyaga ega bo‘ladi, biroq Fransiyadan to‘liq mustaqillikka erishmaydi”, – deya xabar bermoqda Politico.

Nashr ma’lumotlariga ko‘ra, mustaqillik tarafdorlari va unga qarshi bo‘lganlar o‘rtasidagi murosaviy kelishuv 12-iyul kuni Parij yaqinidagi Bujival shahrida imzolangan.

Les Nouvelles Calédoniennes gazetasining yozishicha, ushbu kelishuvga ko‘ra, Yangi Kaledoniya fuqarolari alohida fuqarolikka ega bo‘ladi va ularda ikki xil pasport olish huquqi mavjud. Yangi davlatga mustaqil tashqi siyosat yuritish vakolatlari ham beriladi, Fransiya esa Yangi Kaledoniyaning iqtisodiy rivojlanishiga yordam berishga majbur bo‘ladi.

Mazkur yangi davlat haqidagi kelishuv kuchga kirishi uchun uni Fransiya parlamenti va Yangi Kaledoniyada o‘tkaziladigan referendum tasdiqlashi lozim.

• Fransiya
• Makron
• shartnoma