Bugun O‘zbekiston Tashqi ishlar vaziri Baxtiyor Saidov va Afg‘onistonning mamlakatimizdagi favqulodda va muxtor elchisi Abdul G‘affor Teraviy o'zaro uchrashuv o'tkazdi.

Uchrashuvda ikki tomonlama o'zaro hamkorlik va mintaqaviy kun tartibidagi dolzarb masalalar muhokama qilindi. Baxtiyor Saidov Afg‘onistonda barqaror rivojlanishni doimo qo‘llab-quvvatlanishini ta'kidladi.

“Afg‘onistonni mintaqaviy va global ta’minot zanjirlariga integratsiya qilish muhim vazifalardan biri bo‘lib qolmoqda. Shubhasiz, iqtisodiy hamkorlikni chuqurlashtirish, o‘zaro bog‘liqlikni kuchaytirish va faol sheriklikni ilgari surish keng mintaqamizda barqarorlik va farovonlikka xizmat qiladi” – deya so'zlarini yakunladi O'zbekiston tashqi ishlar vaziri.

• Afg‘oniston
• Baxtiyor Saidov
• Elchi
• uchrashuv