Oq uy matbuot kotibi Karin Jan-Per AQSH Prezidenti Jo Baydenga Rossiyada hibsga olingan basketbolchi Brittni Graynerning maktubini o‘qib berganini ma’lum qildi.

Shuningdek, AQSH Milliy xavfsizlik kengashi rasmiy vakili Edrienn Uotson, qo’shma shtatlar prezidenti Jo Bayden chet-el mamlakatlarida garovga olingan yoki noqonuniy qamoqqa hukm qilingan Amerika fuqarolari ozod qilinishi zarurligini aytganini ta’kidladi.

“Prezident Bayden xorijda garovga olingan yoki noqonuniy hibsda saqlanayotgan barcha AQSH fuqarolari, jumladan Brittni Grayner ham ozod etilishi kerakligini aytdi. AQSH hukumati Graynerni uyiga olib kelish uchun barcha mavjud vositalardan foydalangan holda faol ishlashda davom etadi”, – deydi u.

Uotsinning gaplariga ko‘ra, Jo Baydenning jamosi basketbolchi qizning oilasi bilan doima aloqada bo‘lib turibdi.

“Prezidentning jamoasi Brittni oilasi bilan doimiy aloqada bo‘lib turibdi. Vakillarimiz so‘nggi haftalarda Brittnining turmush o‘rtog‘i bilan bir necha bor gaplashdi. Oq uyning garovga olinganlar bo‘yicha maxsus vakili Brittni oilasi, jamoadoshlari va uni qo‘llab-quvvatlovchilar bilan uchrashgan. Ular bilan hamkorlik yo‘lga qo‘yilgan”, – deydi Amerika Milliy xavfsizlik kengashining rasmiy vakili.

Shuningdek, “Biz Graynerni uyga qaytarish uchun barcha imkoniyatlarni ishga solamiz”,– degan Oq uy matbuot kotibi Karin Jan-Per.

Ma’lumot uchun, 4-iyul kuni, AQSH Mustaqillik kunida basketbol bo‘yicha AQSH ayollar terma jamoasi bilan birgalikda ikki karra Olimpiya chempioni hisoblangan Brittni Grayner Moskvadagi qamoqxonadan Prezident Jo Baydenga maktub yo‘llab, ozod qilinishi uchun yordam berishini so‘ragan edi.

U joriy yilning 17-fevral kuni “Sheremetevo” aeroportida qo‘lga olingan va giyohvand moddalar kontrabandasida (Rossiya Federatsiyasi Jinoyat kodeksining 229.1-moddasi 2-qismi) hamda ularni noqonuniy tashishda (Rossiya Federatsiyasi Jinoyat kodeksining 228-moddasi 1-qismi) ayblangan. Hozirda basketbolchi qamoqxonada saqlanmoqda.

• AQSh
• Basketbol
• Bayden
• Rossiya
• Sport