Bektemir tumani hokimi Tapil Mahamadziyayev lavozimidan ozod etildi. Bu haqda Toshkent shahar hokimi vazifasini bajaruvchi Shavkat Umurzoqov qarorida maʼlum qilingan.
Qarorga ko‘ra, ayni vaqtda tuman hokimi vazifasini vaqtincha bajarish tuman hokimining moliya-iqtisodiyot va kambag‘allikni qisqartirish masalalari bo‘yicha birinchi ўринбосари Fathulla Nigmanovga yuklatildi.
Qayd etish kerak, 17-yanvar kuni bo‘lib o‘tgan videoselektor yig‘ilishida prezident bosh vazirga yil davomida auksionga umuman yer chiqarmagan Baliqchi, Jalaquduq, Bektemir, Mirobod, Olmazor, Chilonzor, Yunusobod, Yakkasaroy tumanlari hokimlarining lavozimiga loyiqligini hal qilishni topshirgandi.
Eslatib o‘tamiz, Tapil Mahamadziyayev 2021-yilning iyun oyida Bektemir tumani hokimi lavozimiga tayinlangan edi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!