Germaniya janubi-g‘arbida joylashgan Saarland federal shtatida kuchli yog‘ingarchilik katta hajmdagi suv toshqiniga olib keldi. Bu haqda “Anadulu” xabar berdi.

Qayd etilishicha, Saar viloyatining ma’muriy markazi Saarbryuken shahri va xuddi shu nomdagi mintaqada noqulay ob-havo tufayli yuzaga kelgan sel va sel ko‘chkilari tufayli mintaqadagi ko‘p sonli bino evakuatsiya qilingan.

Germaniya Meteorologiya boshqarmasi so‘nggi 24 soat ichida mintaqada har kvadrat metrga taxminan 100 litr yog‘ingarchilik tushganini ma’lum qilgan.

Hisobotda qayd etilishicha, mintaqada yomg‘ir davom etadi, ammo ularning intensivligi pasayishi mumkin.

• Evakuatsiya
• Germaniya
• Suv toshqini