Bugun, 18-may kuni Afg‘onistonda kuzatilgan kuchli yomg‘ir va suv toshqinlari oqibatida viloyat markazi Feroz-Kohda 2000 ta uy butunlay vayron bo‘lgan, 4000 tasi esa qisman shikastlangan, shuningdek, 2000 dan ortiq do‘kon suv ostida qolgan.

Bundan tashqari, “Tolibon” harbiy-havo kuchlari vertolyoti halokatga uchragan. Birlashgan Millatlar Tashkiloti Afg‘onistonni iqlim o‘zgarishiga qarshi kurashishda eng zaif davlatlardan biri deb biladi.

“Tolibon” hukumatining bosh vakili X ijtimoiy platformasida (sobiq Twitter) afg‘on vatandoshlari uchun motam tutib, “mas’uliyatli hokimiyat... azob-uqubatlarni yengillashtirish uchun zarur bo‘lgan barcha yordamni ko‘rsatishga” chaqirdi. Shuningdek, u xayrixoh donorlarni va gumanitar tashkilotlarni jabrlangan jamoalarga yordam berishga chaqirdi. Bu haqda Associated Press agentligi xabar berdi.

• Afg‘oniston
• Suv toshqini
• yomg‘ir