Ispaniya “VisaGuide.World” reytingida Singapurni ortda qoldirib, birinchi o‘rinni egalladi. Demak, ushbu davlat fuqarolari dunyodagi eng kuchli pasportga ega.
“VisaGuide.World” viza ma’lumot sayti tomonidan tuzilgan reytingda Ispaniya oktyabr oyida e’lon qilingan mashhur “Henley” pasport indeksida birinchi o‘rinni egallab, Singapurdan oldinga chiqib oldi.
15-oʻrinni egallagan Yaponiya top 20 talikka kirgan yagona noyevropa davlatidir.
Uchinchi o‘rindan Germaniya, Italiya, Fransiya, Niderlandiya, Finlyandiya, Shvetsiya, Norvegiya, Daniya, Chexiya, Portugaliya, Vengriya va Lyuksemburg joy olgan.
Avstriya 16-o‘rinda, Shveytsariya, Belgiya, Irlandiya va Polsha ham kuchli 20 talikka kiritilgan.
Eng kuchli pasporni aniqlashda turli mamlakatlar fuqarolari vizasiz kirishlari mumkin bo‘lgan mamlakatlar soni hisoblanadi.
Oktyabr oyida Singapur birinchi, Yaponiya ikkinchi, Finlyandiya, Fransiya, Germaniya, Italiya, Janubiy Koreya, Ispaniya va Shvetsiya uchinchi o‘rinni egallagan edi. Indeks faqat fuqarolarning vizasiz tashrif buyurishi mumkin bo‘lgan yo‘nalishlar soniga asoslanadi.
2023-yil dekabridan boshlab Ispaniya pasporti egalari 160 ta davlat va hududlarga vizasiz sayohat qilishlari mumkin.
Singapur pasporti egalari Ispaniya fuqarolari vizasiz sayohat qila olmaydigan 15 davlatga vizasiz kirish huquqiga ega. Ular orasida Burkina-Faso, Kambodja, Kot-d’Ivuar, Kuba, Jibuti, Gana, Gvineya, Indoneziya, Keniya, Laos, Myanma, Ruanda, Tanzaniya, Uganda va Zimbabve bor.
Biroq Ispaniya pasportlari egalari Singapur fuqarolari uchun mavjud bo‘lmagan 11 mamlakat va hududlarga vizasiz sayohat qilishlari mumkin. Bularga Folklend orollari, Marshall orollari, Palau, San-Tome va Prinsipi, Seyshel orollari, Solomon orollari, Timor-Sharqiy, Tonga, Tuvalu, Ukraina va Venesuela kiradi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!