Farg‘ona viloyatidagi “Oxunboboyev” va “Marg‘ilon” bekatlari oralig‘ida Nexia-3 haydovchisi poyezdni ilon izi usulida aylanib o‘tishga uringan va mashina poyezd tagida qolgan. Haydovchi esa shifoxonaga yotqizilgani ma’lum qilinmoqda. Bu haqda Xabardor.uz’ga Hayot Shamsutdinov ma’lum qildi.

Qayd etilishicha, holat 19-fevral kuni soat 22:30 atrofida “Oxunboboyev” va “Marg‘ilon” bekatlari oralig‘ida soat 22:30 atrofida sodir bo‘lgan.

38 yoshli yengil mashina haydovchisi yo‘l harakati qoidalarini buzib, poyezdni ilon izi usulida aylanib o‘tishga uringan. Biroq poyezd mashinani urib yuborib to‘xtagan. Qayd etilishicha, Qo‘qon lokomotiv deposiga qarashli Axtachi-Qo‘qon yo‘nalishidagi yuk poyezdi tarkibida 102 ta bo‘sh vagon bilan harakatlangan.

Ayni paytda Farg‘ona viloyati transportda xavfsizlikni ta’minlash boshqarmasi tomonidan tergovga qadar tekshiruv olib borilmoqda.

• Farg‘ona
• Poyezd