Jazoir G‘azo sektoridagi ommaviy qabrlar munosabati bilan 7-may kuni BMT Xavfsizlik kengashining yopiq majlisini o‘tkazishni so‘radi, deb yozadi “TASS” jahon tashkilotidagi manbaga tayanib.

Qayd etilishicha, 22-aprel kuni “Al-Jazira” telekanali G‘azo sektoridagi Xon Yunis shahridagi Nosir kasalxonasi yaqinidagi ommaviy qabrdan 210 kishining jasadi topilganini xabar qilgan. Qabrlar esa 20-aprel kuni isroillik harbiylar Xon Yunisni tark etgandan keyin topilgan.

“Al Jazeera” telekanali xabariga ko‘ra, jasadlar Isroil harbiylari tomonidan kasalxona hududiga ko‘milgan. “Al Quds Al Arabi” gazetasining ta’kidlashicha, ular shu yo‘l bilan jinoyatlarini yashirmoqchi bo‘lgan.

30-aprel kuni BMT Bosh kotibi Antoniu Guterrish mustaqil tergovchilarni anklavdagi ommaviy qabrlar joylariga zudlik bilan kirishga chaqirgan.

• Jazoir
• Qabriston