Fuqarolik ishlari bo‘yicha Jizzax tumanlararo sudining 23.04.2024 yildagi qarzdor Xalilov Jahongirdan undiruvchi Bekjonova Xurshidaning foydasiga 2016-yilda tug‘ilgan bir nafar farzandining moddiy ta’minoti uchun ish haqi va boshqa daromadlarining 1/4 qismi miqdorida aliment undirish to‘g‘risidagi ijro hujjati byuroning Sharof Rashidov tuman bo‘limi ish yurituviga 05.06.2024 sanasida kelib tushgan.

Ijro harakatlari davomida qarzdorning mol-mulklarini aniqlash maqsadida tegishli idora va tashkilotlarga so‘rov xatlari yuborilgan va qarzdorning O‘zbekiston Respublikasidan chiqish huquqlari vaqtincha cheklangan.

Davlat ijrochisi tomonidan qarzdorning qarzdorligi hisob-kitob qilinganda 01.07.2025 yil holatiga ko‘ra, 14 460 000 so‘mni tashkil qilgan.

Qarzdorlikni undirish maqsadida qarzdor Xalilov Jahongir ijro hujjatida va doimiy yashash joylarida aniqlanmaganligi sababli, davlat ijrochisi tomonidan muqaddam unga nisbatan qidiruv e’lon qilingan.

Olingan tezkor ma’lumotlarga asosan, qarzdor G‘allaorol tumanidagi to‘yxonada xonandalar safida xizmat qilayotganligi aniqlanadi. Shundan so‘ng, xodimlar to‘y tugashini ehtiyotkorlik bilan kutib, xizmatni yakunlaganidan so‘ng fuqaro Xalilov Jahongirni qo‘lga olgan.

Hozirda unga nisbatan ijro harakatlari davom ettirilmoqda.

• Jizzax
• MIB
• hujjat
• qarzdor