Sobiq rafiqasi Ember Xerdning ustidan sudda gʻalaba qozongan amerikalik aktyor Jonni Depp aktrisa toʻlashi kerak boʻlgan badaldan voz kechishi mumkin. Bu kabi taxminlarga ijodkorning advokati tomonidan aytilgan soʻzlar sabab boʻlgan.

“Biz advokat va mijoz oʻrtasidagi tafsilotlarni oshkor qilolmaymiz, ammo janob Depp sudda taʼkidlaganidek, bularning barchasidan koʻzlangan maqsad pul boʻlmagan. Bu obroʻni qayta tiklash masalasi edi. Mijozim bu ishni uddaladi”, dedi aktyorning advokati.

Eslatib oʻtamiz, Jonni Depp va Ember Xerd oʻrtasidagi sud jarayoni 1 hafta avval yakunlangan edi. Sud aktrisani turmush oʻrtogʻiga tuhmat qilishda aybdor deb topgan va unga yetkazilgan zararni qoplash uchun 15 million AQSh dollari miqdorida badal tayinlagan. Aktrisaning advokati esa badal toʻlash uchun ijodkorning imkoniyati yoʻq ekanligini aytgan.

• Ajrim
• Kino
• Oliy sud
• mashhurlar