Joriy yilning 8-aprel kuni Adliya vazirligida Vazirlar Mahkamasi tomonidan 26-mart kuni qabul qilingan qarorning ijrosiga mas’ul bo‘lgan 60 dan ortiq vazirlik va idoralar, shuningdek, huquqni muhofaza qiluvchi organlar ishtirokida seminar tashkil etildi.

Qayd etilishicha, 2022-yilda Adliya vazirligi tegishli vazirlik va idoralar bilan hamkorlikda Vazirlar Mahkamasining yuqoridagi qarorida belgilangan ijtimoiy himoya, moliya-kredit, tadbirkorlik, tashqi iqtisodiy faoliyat va bojxona ishi sohalariga oid 1 860 ta amaldagi qonunchilik hujjatlarini korrupsiyaga qarshi ekspertizadan o‘tkazish lozimligi ta’kidlangan.

Bunda yaqin hamkorlikni yo‘lga qo‘yish, ekspertizani joyiga chiqib amalga oshirish, mutaxassislar, fuqarolar, ayniqsa tadbirkorlik subyektlari bilan uchrashib ularni qiynayotgan normalarni aniqlab, bartaraf etish bo‘yicha takliflarni ishlab chiqish kerakligi aytilgan.

• Adliya
• Korrupsiya