Karaokeda qo‘shiq kuylash asosan psixologik jihatdan foydali. Lekin uning tana va nutq uchun ham foydali tomonlari bor.

Psixologik. Hozirda ko‘plab odamlar turli sabablarga ko‘ra depressiyani boshdan kechirmoqda. Bu insonning o‘zini anglashiga, atrofdagilar bilan erkin muloqot qilishiga xalaqit beradi. Karaoke — depressiyaga qarshi kurashishning ajoyib usuli. Inson yana-da xarizmatik va jozibali bo‘ladi.

Jismoniy. Qo‘shiq aytish energiya sarfi bo‘yicha taxminan piyoda yurishga teng ekanligi aytiladi. Bu jarayonda nafas olish ritmi normallashadi, o‘pka mushaklari rivojlanadi va uning quvvati ortadi. Shuningdek, karaoke maʼlum darajada bronxit va o‘tkir respirator virusli infeksiyalarning asoratlarini yengishga yordam beradi.

Nutqiy. Qo‘shiq aytishga odatlangan kishilarning nutqi aniq bo‘lib, tovushlar talaffuzida muammolar kuzatilmaydi. Shuning uchun har bir bolaning dunyoqarashini kengaytirish va nutqini to‘g‘ri rivojlantirish uchun qo‘shiq aytishga o‘rgatish foydali hisoblanadi.

Kommunikativ. Agar siz yolg‘izlikdan azob chekayotgan bo‘lsangiz, do‘stlaringiz yoki oilangiz bilan karaoke-barda ajoyib oqshom o‘tkazish vaqti keldi. Bu kabi vaqt o‘tkazish bolalar yoki ota-onalar, aka-uka va opa-singillar bilan munosabatlarni yaxshilashga, yangi do‘stlar orttirishga yordam beradi.

• Musiqa
• salomatlik