Avstraliya shimolidagi tropik o‘rmonda mahalliy qo‘riqchilar og‘irligi 2,7 kilogramm bo‘lgan ulkan qurbaqani topdi. Yovvoyi tabiat mutasaddilari dastlab bu soxta, deb o‘ylashgan, ammo keyinroq ma’lum bo‘lishicha, amfibiya “dahshatli” o‘lchamdagi qamish qurbaqasining noyob namunasi hisoblanishi oydinlashgan.
Qo‘riqchilar qurbaqaga “Toadzilla” deb nom berishdi. Ular uni idishga solib, yovvoyi tabiat qo‘ynidan olib ketishgan. Mahalliy ommaviy axborot vositalarining yozishicha, ushbu turdagi qurbaqalar 1935 yilda Avstraliyaga olib kelingan va bugungi kunda qit’adagi eng xavfli zararkunandalardan biriga aylangan. Mamlakatdagi amfibiyalar soni 2 milliarddan oshadi.
Park qo‘riqchisi Kayli Greyning so‘zlariga ko‘ra, u Kvinslend shtatida patrul paytida “Toadzilla”ni ko‘rgan va dastlab ko‘zlariga ishonmagan.
“Men hech qachon bunday katta qurbaqani ko‘rmaganman. Bu deyarli oyoqlari bo‘lgan futbol to‘piga o‘xshardi. Biz uning ismini “Toadzilla” deb qo‘ydik”, – deydi mutaxassis mahalliy telekanallardagi efir vaqtida.
Qo‘lga olingandan so‘ng qo‘riqchilar qurbaqani o‘lchab, uning kattaligidan hayratda qolishgan. “Toadzilla”ning vazni 2,7 kg dan oshadi, bu jahon rekordi hisoblanadi.
Bungacha Ginnes rekordlari kitobida qayd etilgan eng ulkan natija 1991-yilda Shvetsiyalik “Prinsen” (2,65 kilogramm) ismli uy qurbaqasiga tegishli edi. Biologlarning fikricha, “Toadzilla” hasharotlar, sudralib yuruvchilar va sutemizuvchilarni yeyish orqali bunday ulkan hajmga ega bo‘lgan.
Mutaxassislarning ta’kidlashicha, qamish qurbaqasi og‘ziga to‘g‘ri keladigan hamma narsani yeyishi mumkin. Shu bilan birga, bu amfibiya turining Avstraliyada tabiiy yirtqichlari yo‘q. O‘rganishlardan so‘ng, bahaybat qurbaqa avstraliya standartlarga muvofiq evtanizasiya (davolab bo‘lmaydigan kasallikka chalingan va bu kasallik natijasida chidab bo‘lmas azob-uqubatlarni boshdan kechirgan jonzotning hayotini tugatish amaliyoti) qilingan.
Shundan so‘ng uning qotirilgan nusxasi Kvinslend muzeyiga sovg‘a qilinadi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!