Vazirlar Mahkamasining qaroriga ko‘ra, Toshkent viloyati Bo‘stonliq tumani hududidagi 577 gektar yer maydonida qiymati 5 mlrd AQSH dollarini tashkil etadigan umummavsumiy kurort majmuasini barpo etish bo‘yicha yirik sarmoya loyihasi amalga oshiriladi. Bunda ushbu yer maydoni ijara muddati tugagandan keyin yangi muddatga uzaytirish bo‘yicha ustuvor huquq bilan “Sea Breeze Uzbekistan” MCHJga 25 yilga to‘g‘ridan to‘g‘ri ijaraga beriladi.

Shuningdek, qaror matnida quyidagilar belgilangandi:

investor loyihani amalga oshirish davrida va loyiha ishga tushgandan keyin chiqindi hamda oqova suvlarning Chorvoq suv ombori va Chirchiq daryosiga tashlanishiga yo‘l qo‘ymaslik, oqova suvlarni Chirchiq shahri oqova suvlarni tozalash inshootiga yo‘naltirish choralarini ko‘rish majburiyatini oladi;

Bunda ushbu talabga rioya etmaslik loyihani to‘xtatishga va yerga bo‘lgan ijara huquqining bekor qilinishiga asos bo‘ladi;

loyiha hududida joylashgan jismoniy va yuridik shaxslarga tegishli ko‘chmas mulk obyektlari(qishloq xo‘jaligi va o‘rmon xo‘jaligi yer uchastkalaridan tashqari) “Sea Breeze Uzbekistan” MCHJ tomonidan ularning mulkdorlari bilan kelishuv asosida sotib olinadi;

Bosh prokuratura, Ekologiya hamda Qurilish vazirliklari qurilishda belgilangan talablar bajarilishini doimiy nazorat qilib boradi, jumladan, Chorvoq suv omboriga oqova suvlarni tashlashga yo‘l qo‘ymaslik bo‘yicha qat’iy nazorat o‘rnatadi;

Jumladan, Bosh prokuror o‘rinbosari S.I.Samadov loyihaning shaharsozlik va ekologik talablar asosida amalga oshirilishini ta’minlash yuzasidan qat’iy prokuror nazoratini o‘rnatadi;

“Sea Breeze Uzbekistan” umummavsumiy kurort majmuasini barpo etish bo‘yicha respublika ishchi guruhi tarkibi tasdiqlandi. Respublika ishchi guruhi investor tomonidan investitsiya majburiyatlari bajarilishini monitoring qilib boradi.

• Chorvoq
• Dam
• Loyiha
• Suv