Yevro-Osiyo mintaqasi davlat metrologiya muassasalari hamkorligi (KOOMET) ma’muriy boshqaruvida o‘zgarishlar amalga oshirilib, yangi Prezident saylandi. Shu bilan birga mintaqaviy tashkilot vitse-prezidentlari tarkibi yangilandi.
Xabarga ko‘ra, KOOMET mas’ullari vitse-prezident lavozimiga O‘zbekiston vakili — O‘zbekiston milliy metrologiya instituti direktori Lazizbek Saidoripovni bir ovozdan qo‘llab-quvvatlashgan. Endilikda institut rahbari xalqaro talablar va mezonlarga mos ravishda KOOMETning eng muhim yo‘nalishlaridan hisoblangan “Qonunlashtiruvchi metrologiya” yo‘nalishini boshqaruvida ishtirok etadi.
Eslatib o‘tamiz, KOOMET 1991-yil 12-iyun kuni tashkil etilgan va unga 19 ta davlat a’zo bo‘lgan. O‘zbekiston ham ushbu mintaqaviy metrologiya tashkilotiga 2004-yilda a’zo bo‘lgan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!