Amerikalik olimlar Marsning geologik faolligi ilgari olingan maʼlumotlardan farqli ravishda davom etayotganini aniqladi.

Tadqiqotchilar sunʼiy yo‘ldosh tasvirlari va olingan maʼlumotlarni tahlil qilish natijasida shunday xulosaga kelishdi. Ular lava oqimlaridan iborat Yevropaning kattaligidagi hududni ko‘rsatdilar. Belgilangan hududda keng ko‘lamli otilishlar taxminan bir million yil oldin sodir bo‘lganligi taxmin qilinmoqda, bu geologik meʼyorlarga ko‘ra deyarli hozirgi kun hisoblanadi.

Amerikalik olimlarning kashfiyoti Marsning ichki tektonik faolligi bir necha milliard yil avval to‘xtab qolgani, shundan so‘ng Qizil sayyorada faqat alohida vulqonlar otilishi haqidagi farazni shubha ostiga qo‘ydi.

• Mars