23°
Kechasi 15°
Ijtimoiy tarmoqlarda Namangan viloyati hokimi Shavkat Abdurazzoqovning davlat raqami 50 010 DAV bo‘lgan “Toyota Land Cruiser” xizmat avtomashinasi Uychi tumanida yo‘lovchini urib yuborgani haqida xabarlar tarqaldi. Viloyat hokimligi axborot xizmati holat bo‘yicha izoh berdi.
Qayd etilishicha, joriy yilning 7-oktyabr kuni soat 12:50 chamasida Namangan viloyati hokimligi tasarrufidagi davlat raqami 50 010 DAV, “Toyota Land Cruiser” rusumli avtomobili Namangan-Uychi-Uchqo‘rg‘on yo‘lining 8-kilometrida baxtsiz hodisa tufayli yo‘lni kesib o‘tayotgan 2017-yilda tug‘ilgan fuqaroni “turtib yuborgan”. Yo‘lovchi zudlik bilan tuman tibbiyot birlashmasiga olib borilgan.
“To‘liq tibbiy tekshiruv o‘tkazilgan, jiddiy shikastlanish aniqlanmagan, faqatgina yuz sohasida shilinish bo‘lgan, tez tibbiy yordam ko‘rsatilgan. Qo‘shimcha davolanish talab etilmaydi”, – deyiladi xabarda.
Ta’kidlanishicha, hozirda yo‘lovchining ahvoli yaxshi va o‘zining uyida odatdagi hayotiy faoliyatini davom ettirmoqda.
Shuningdek, yo‘l-transport hodisasi bo‘yicha barcha xujjatlar IIB tomonidan rasmiylashtirilgan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
