Namangan viloyati Favqulodda vaziyatlar boshqarmasi ijtimoiy tarmoqlarda Namanganda mashina va uning haydovchisi tiriklayin yonib ketganligi haqidagi xabarga izoh berdi.

25-may kuni soat 20:49 larda Namangan shahar “Yangi asr” MFY hududidan o‘tgan 4R-112 avtomobil yo‘lining 87 km.da, Namangan shahar “Alpomish” MFY xonadonlarni birida yashagan , 2006 yilda tug‘ilgan fuqaro Nexia-3 rusumli avtomashinasini boshqarib borayotib, boshqaruvni yo‘qotib yo‘lning o‘ng chetiga chiqib ketib, archa daraxtiga urilishi natijasida avtomashinada yong‘in bo‘layotganligi haqida xabar kelib tushgan.

Xabarga asosan soat 21:03 da yong‘in qutqaruv ekipaji yetib borib, soat 21:05 da yong‘in qutqaruvchi va fuqarolar tomonidan bartaraf etilgan.

Natijada, avtomashina to‘liq yonib zararlangan hamda haydovchi voqea joyida vafot etgan.

• O‘zbekiston