Urganch tumanidagi fermer xo‘jaligi 5,6 mlrd so‘mlik elektr energiyasini talon-toroj qilganligi aniqlandi.

Yoqilg‘i-energiya resurslaridan noqonuniy foydalanish bilan bog‘liq holatlarni fosh etishga qaratilgan nazorat tadbirlari davom etmoqda.

Xususan, Xorazm viloyatining Urganch tumanidagi “U.Z.S” fermer xo‘jaligi mansabdor shaxslari xo‘jalik yer maydonini sug‘orish uchun suv nasosini o‘zboshimchalik bilan hisoblagichdan tashqari elektr tarmog‘iga ulab, dastlabki hisob-kitoblarga ko‘ra 5,6 mlrd so‘mlik (1,8 mln kVt·soat) elektr energiyasini talon-toroj qilganliklari aniqlangan.

Mazkur holat yuzasidan tergovga qadar tekshiruv harakatlari olib borilmoqda.

• Elektr energiyasi
• Surishtiruv
• fermer
• tergov