Qonun bilan O‘zbekiston Respublikasining Suv kodeksi tasdiqlandi.

Kodeks suv, suv obyektlari, suv xo‘jaligi obyektlari va suv fondi yerlaridan oqilona foydalanish hamda ularni muhofaza qilish sohasidagi munosabatlarni tartibga soladi.

Kodeksga ko‘ra, suv umummilliy boylikdir, undan oqilona foydalanish lozim va u davlat tomonidan muhofaza qilinadi.

Suvdan foydalanish umumiy va maxsus foydalanishga bo‘linadi.

Suv obyektlarining toifalari jumlasiga quyidagilar kiradi:

– O‘zbekistonning yer usti va yer osti suv obyektlari;

– O‘zbekistonda joylashgan va uning hududini kesib o‘tadigan transchegaraviy yer usti va yer osti suv obyektlari.

Suv obyektlari tanho yoki birgalikda foydalanishda bo‘lishi mumkin.

Suv resurslarini boshqarishda qarorlar qabul qilish maqsadida respublika va havzalar, zarur hollarda hududlar darajasida kollegial-maslahat organi shaklida suv kengashlari tashkil etiladi.

Bundan tashqari, Vazirlar Mahkamasi huzurida Respublika suv kengashi tashkil etiladi.

Qonun rasmiy e’lon qilingan kundan 3 oy o‘tgach kuchga kiradi.

• Adliya
• Kodeks
• Prezident
• Qaror
• Yangilik
• xabar