Ijtimoiy tarmoqlarda Namangan viloyatida “Dok-1 Maks” siropidan iste’mol qilgan 3 yoshli o‘g‘il bola vafot etgani haqida xabarlar tarqaldi.
Namangan viloyati sog‘liqni saqlash boshqarmasi boshlig‘i Abdulxodi Iminovning UzA'ga bergan ma’lumotiga ko‘ra, vafot etgan bemor B.Q. shifoxonadan tashqari rivojlangan pnevmoniya, o‘tkir kechuvchi og‘ir formasi, hazm faoliyati funksional buzilishi va dispeptik holat, gipovolemiya og‘ir darajasi tashxisi bilan davolangan.
Qayd etilishicha, bola Uchqo‘rg‘on tumanining Guliston mahallasida yashagan. U 2022-yil 15-dekabrda tuman tibbiyot birlashmasiga olib kelingan paytda og‘ir holatda bo‘lgan. Respublika shoshilinch tibbiy yordam ilmiy markazi Namangan filiali tomonidan ko‘rsatilgan tibbiy yordam choralariga qaramasdan u 2022-yil 21-dekabr kuni vafot etgan.
Ma’lum bo‘lishicha, bolaning onasi bemorga uy sharoitida shifokor ko‘rsatmasisiz “Dok-1 Maks” preparatidan ichirgan.
Ma’lumot uchun, “Dok-1 Maks” siropi tarkibida zaharli moddalar borligi uchun, bolalarga nojo‘ya ta’sir qilgan. Oqibatida O‘zbekiston bo‘ylab 19 nafar bola halok bo‘lgandi. Keyinroq sog‘liqni saqlash vazirligi “Quramax Medisal” kompaniyasi tomonidan ishlab chiqarilgan barcha turdagi dori vositalarini sotishni to‘xtatishga ko‘rsatma bergandi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!