22°
Kechasi 10°
“Facebook” ijtimoiy tarmog‘ida foydalanuvchilardan biri matematik misol aks etgan suratni o‘z sahifasiga joylashtirib, boshqalarni uni yechishga taklif qildi. Ko‘rinishidan oddiy tuyulgan bu boshqotirma foydalanuchilarni ikkita turli javobni ilgari surayotgan ikkita katta guruhga ajratdi: Ularning javobi – 1 va 4.
Oradan hech qancha vaqt o‘tmasdan, foydalanuvchilar qaysi javob to‘g‘ri va nima uchun ekanligi haqida bahslasha boshlashdi. So‘ngra muallif sahifasiddagi bu munozara davomida 60 000 dan ortiq izohlar yozildi.
Bu yerda tortishuvning asosi yozilish shakli va harakatlar ketma-ketligi edi. Bir holatda, qavs ustunlik qiladi va yakunda javob “1” bo‘ladi. Ikkinchisida, ayirishdan so‘ng, odamlar chapdan o‘ngga amallarni darhol bajarishni boshlaydilar, natijada “4” javobi hosil bo‘ladi.
Darhaqiqat, ushbu fotosurat Internetda bir yildan ko‘proq vaqt davomida tarqaldi va endi u yana muhokama qilinmoqda. Shunga o‘xshash misollar doimo paydo bo‘ladi, faqat raqamlar farq qiladi, ammo mohiyati bir xil – faqatgina protsedura (jarayon) bo‘yicha bahslar davom etadi xolos.
Suratdan ma’lum bo‘lishicha, muallif fransiyalik foydalanuvchi bo‘lishi mumkin. Chunki sozlangan til shunga ishora qilmoqda.
Qayd etish mumkin, amerikalik milliarder Mark Sukerberg asos solgan ijtimoiy tarmoq “Meta” korporatsiyasi tarkibiga kiritilgan.
2022-yil iyul oyida “Facebook” 2 milliard 934 million faol foydalanuvchilarga ega bo‘lib, u ijtimoiy media platformalar reytingida 1-o‘rinni egalladi.
Biroq, kompaniyaning eng so‘nggi investor daromadlari hisobotida e’lon qilingan ma’lumotlar shuni ko‘rsatadiki, “Facebook”ning oylik faol foydalanuvchilari so‘nggi uch oy ichida biroz pasaygan.
2022-yil iyuliga qadar “Facebook” foydalanuvchilari soni taxminan 2 millionga (-0,07 foiz) kamaydi.
Ushbu so‘nggi raqamlar bugungi kunda Yer yuzidagi barcha odamlarning taxminan 36,8 foizi “Facebook”dan foydalanishini ko‘rsatadi.
“Meta” tomonidan e’lon qilingan 2021-yilgi moliyaviy hisobotiga ko‘ra, “Facebook”ning 2021-yilda reklamadan tushgan daromadi 115 milliard dollarni tashkil etib, tarixda birinchi marta 100 milliard dollarlik chegaradan o‘tdi. Bu avvalgi yilga nisbatan qariyb 31 milliard dollarga ko‘p va yillik o‘sish 36,6 foizni tashkil etadi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
