Prezident “Xalqimizning kelajagi maktabdan boshlanadi” deya ta’kidladi. Hozir maktablarda 6,5 mln o‘quvchi ta’lim olmoqda: bu yil 400 ming bitiruvchi maktabni tugatdi, 1-sinflarga 720 ming bola qabul qilindi. So‘nggi 8 yilda 500 ga yaqin yangi maktab qurilib, 1 mln o‘quvchi o‘rni yaratildi. Xususiy maktablar kengayib, 200 mingdan ortiq bola u yerda o‘qimoqda. Yangi o‘quv yilidan boshlab maktab davrida o‘quvchilarning qobiliyatiga qarab, kasb yoki oliy ta’limga yo‘naltirish uchun 9 va 11-sinf o‘quvchilari uchun yagona davlat imtihonlari joriy qilinadi. Shu orqali 400 mingga yaqin 9-sinf bitiruvchilari texnikumlarga qamrab olinadi.

O‘qishni maktabda davom ettirib, oliygohga kirish istagida bo‘lgan yoshlarga fanlar tanlov asosida chuqurlashtirib o‘tiladi. Maktabdagi yakuniy imtihon natijalari bilan bitiruvchilar xohlasa texnikumga, istasa oliygohga kira oladigan bo‘ladi.

• Shavkat Mirziyoyev
• Tashrif
• Toshkent viloyati