Rossiya Federatsiyasi prezidenti Vladimir Putin Xitoyga tashrifi yakunida OAV vakillari uchun tashkil etgan brifingda Ukraina mojarosi haqida ham to‘xtalib o‘tdi. Tahlilchilarning so‘zlariga ko‘ra, quyidagi so‘zlar Putinning asosiy bayonotlari sifatida e’tirof etildi:

Ukraina o‘zining xavfsizlik tizimini tanlash huquqiga ega, lekin buni Rossiya hisobidan qilmasligi kerak;

Rossiya Federatsiyasi Ukrainaning NATOga a’zo bo‘lishiga doim e’tiroz bildirgan, lekin Yevropa Ittifoqiga emas;

“Hududlar evaziga Ukraina uchun xavfsizlik kafolatlari” masalasi hech qachon ko‘tarilmagan;

Rossiya “maxsus operatsiya”ni hududlar uchun emas, balki odamlar huquqlari uchun olib bormoqda;

Referendumlarda Rossiyaga qo‘shilishni qo‘llab-quvvatlagan odamlarning fikrini hurmat qilish kerak;

2022-yilda Rossiya Ukrainaga o‘z qo‘shinlarini Donbassdan olib chiqib, mojaroga chek qo‘yishni taklif qilgan edi, biroq biz qo‘shinlarimiz Kiyevdan olib chiqilgandan so‘ng Ukraina o‘z fikrini o‘zgartirdi;

Kiyevga hududlar masalasi bo‘yicha referendum kerak, buning uchun harbiy holatni bekor qilish, demak, saylovlar o‘tkazish kerak;

Hozir Rossiya Qurolli Kuchlari barcha yo‘nalishlarda muvaffaqiyatli olg‘a siljimoqda;

Ukraina Qurolli Kuchlari o‘z saflarini ushlab turishga harakat qilmoqda, lekin ularning zaxiralari tugamoqda, ular keng ko‘lamli hujumga qodir emas;

Medinskiy guruhi Ukraina tinchlik muzokaralarida samarali ishlamoqda. Shunga qaramay, Rossiya Ukraina bilan muzokaralar darajasini oshirishga tayyor;

Zelenskiy uchrashuvga tayyor bo‘lsa, uni Moskvada ham o‘tkazish mumkin, lekin bunday uchrashuv yaxshi tayyorlangan bo‘lishi kerak.

• Konferensiya
• Rossiya
• Ukraina
• Urush