18-dekabr kuni o‘zining “Orzuning shonli yo‘li” kitobi taqdimot marosimida futbolchilik faoliyatini tugatganini e’lon qilgan o‘zbek futboli afsonalaridan biri Odil Ahmedov bu qarorga kelish sabablari haqida gapirib o‘tdi.
“Uzoq o‘ylab, yaqinlarim bilan maslahat qilib, futbolchilik faoliyatimni tugatish to‘g‘ri, degan qarorga keldim. Bundan afsuslanmayman va bu to‘g‘ri qarorlarimdan biri bo‘ladi, deb umid qilaman.
Faoliyatimga bag‘ishlangan kitob yoshlarga yangi maqsadlarga yetishishlari uchun yordam berishi mumkin. Chunki unda qiyinchiliklarni qanday yengib o‘tganim haqida yozganman.
Yaxshi bilasizlar, o‘zimni futbol akademiyam bor, endi o‘sha bilan jiddiyroq shug‘ullanish uchun ko‘proq vaqtim bo‘ladi. Umuman olganda, futbol ichida bo‘laman” – deydi Ahmedov.
Odilning futbolchilik faoliyatini tugutgani haqidagi xabarlar ortidan yarim himoyachi 2014-2016-yillar davomida o‘ynagan “Krasnodar” klubi rasmiy sayti “O‘yinlaring uchun rahmat Odil! Bundan buyon qanday ish bilan shug‘ullanishingdan qat’iy nazar senga omad tilaymiz!” degan post qoldirdi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!