Qozog‘istonning Olmaota shahridan migratsiya tartibini buzgan 40 nafar O‘zbekiston fuqarosi mamlakat hududidan chiqarib yuborilgan. Ular maxsus reys avtobuslari orqali Qozog‘iston–O‘zbekiston davlat chegarasigacha barcha xavfsizlik talablariga rioya qilingan holda yetkazilgan.

Olmaota Migratsiya xizmati boshqarmasi boshlig‘i Erkin Omontoyevning ma’lum qilishicha, shaharda chet el fuqarolarining migratsiya qonunchiligiga rioya etishi va qonuniy yashash tartibi doimiy nazorat qilinadi. Qoidalarni buzgan shaxslar amaldagi qonunchilikka muvofiq mamlakat hududidan chiqariladi.

“Bizning vazifamiz – huquqiy tartibni ta’minlash, shahar aholisi xavfsizligini himoya qilish va Qozog‘istonda bo‘lgan barcha shaxslarning qonunlarga bo‘ysunishini ta’minlash”, – deydi Omontoyev.

• Almati
• Migratsiya
• O‘zbekiston
• Qozog‘iston