“Oʻrgimchak odam-3: Uyga yoʻl yoʻq” filmi kino tarixidagi eng kassabop loyihalar reytingida Jeyms Kemeronning “Titatik” filmini ortda qoldirdi. Uchinchi qism Shimoliy Amerikaning oʻzidan 666 million dollar miqdorida foyda olgan. “Titanik” filmi esa ijodkorlarga oʻz vaqtida 659 million dollar foyda keltirgan edi.

“Uyga yoʻl yoʻq” filmining dam olish kunlarida yana 30 million dollar miqdorida daromad olib kelishi taxmin qilingan. Agar taxminlar toʻgʻri chiqsa, film Gollivudning boshqa yirik loyihalari – “Yulduzlar jangi 8: Oxirgi jedaylar” (23,7 mln dollar), “Darbadar: Yulduzlar jangi. Hikoyalar” (22 mln dollar) va “Yulduzlar yangi 9: Skayuoker. Tong” (15,1 mln dollar) filmlarini ham ortda qoldirgan boʻladi.

Oʻrgimchak odam haqidagi uchinchi filmning butun dunyo kinoteatrlaridagi namoyishidan olingan umumiy foyda 1,5 milliard dollarga yaqinlashib qoldi. Bu uning muvaffaqiyat jihatidan Marvel komikslarining ekranlashtirilgan variantlariga tenglashib olganini anglatadi. Shuni ham hisobga olish kerakki, Marvel loyihalari xotirjamlik hukmron boʻlgan vaqtlarda taqdim etilgan, “Oʻrgimchak odam” esa ana shu natijani pandemiya sharoitida qayd eta olgan.

• Kino
• Madaniyat