Olamshumul mashhurlikka erishgan “Kalmar oʻyini” seriali rejissyori Xvan Don Xyok serialning ikkinchi fasli ham suratga olinishini maʼlum qildi.

Ijodkor muxlislarning shouga boʻlgan talab va bosimlari shunchalik kuchli boʻlganidan, serial muallifi sifatida uning davomini suratga olishdan boshqa chorasi qolmaganini taʼkidlagan. Rejissyor ayni vaqtda ikkinchi faslning ssenariysi ustida ishlamoqda, ammo uning aynan qachon taqdim etilishi ma’lum emas.

Rejissyor serialdagi bosh qahramon ikkinchi faslda ham ekranga qaytishini qoʻshimcha qilgan.

Eslatib oʻtamiz, odamlarni dahshatli oʻyinlarda ishtirok etishga majburlovchi maxfiy tashkilot haqidagi “Kalmar oʻyini” seriali “Netflix” platformasida 17-sentyabr kuni taqdim qilingan edi. U servisning eng mashhur seriallaridan biriga aylangan, mashhurlik borasida Youtube platformasida “Taxtlar oʻyini” serialini ham ortda qoldirgan.

• Kino