O‘zbekiston Respublikasi Tashqi ishlar vazirligi Afg‘onistonda sodir etilgan teraktni qoralaydi va bu haqda rasmiy bayonot berdi.
“Kecha, 30-noyabr kuni Afg‘onistonning Samangan provinsiyasi Aybak shahrida sodir etilgan terrorchilik xurujini keskin qoralaymiz. “Jihodiya” madrasasida amalga oshirilgan qabih harakat ko‘plab insonlarning, asosan yosh talabalarning qurbon bo‘lishiga olib keldi”, – deyiladi bayonotda.
Vazirlik bunday zo‘ravonlik harakatlari keskinlikning kuchayishiga sabab bo‘lib, Afg‘onistonda barqaror va uzoq muddatli tinchlik o‘rnatishga, shuningdek, milliy kelishuvga erishishga to‘sqinlik qilishini maʼlum qilgan:
“Halok bo‘lganlarning oila aʼzolari va yaqinlariga samimiy hamdardlik bildiramiz, jarohatlanganlarning tez fursatlarda sog‘ayib ketishini tilaymiz”.
Eslatib o‘tish mumkin, Afg‘oniston shimolidagi Samangan viloyatida joylashgan diniy maktabda sodir etilgan portlashda 23 kishi halok bo‘lgan, 30 kishi esa yaralangan.
Qayd etilishicha, portlash Aybak shahridagi “Jihodiya” diniy maktabida talabalar namoz o‘qiyotgan paytda yuz bergan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!