Hukumat qaroriga muvofiq, Qimmatli qog‘ozlar bilan operatsiyalarni amalga oshirish huquqini olish uchun jismoniy shaxslarni attestatsiyadan (qayta attestatsiyadan) o‘tkazish bo‘yicha davlat xizmatlarini ko‘rsatishning ma’muriy reglamenti tasdiqlandi.

Reglamentga ko‘ra, malaka sertifikatini berish, qayta rasmiylashtirish, uning amal qilishini to‘xtatib turish, tugatish va uni bekor qilish bo‘yicha davlat xizmatlari DXM va Yagona interaktiv davlat xizmatlari portali orqali ko‘rsatiladi.

Malaka sertifikati talabgorlarga 5 yil amal qilish muddati bilan beriladi. Malaka sertifikatining amal qilish muddati tugagan shaxslar 30 kundan kechiktirmasdan majburiy attestatsiyadan o‘tishi lozim.

Shuningdek, talabgorlarning tegishli malaka sertifikatini berish to‘g‘risidagi so‘rovnomasini ko‘rib chiqish bo‘yicha davlat xizmati ko‘rsatilganligi uchun BHMning 1 baravari (300 ming so‘m) miqdorida yig‘im undiriladi.

Bundan tashqari, YAIDXP orqali murojaat etilganda, mazkur miqdor 270 ming so‘mni tashkil etadi.

• Davlat xizmati