Prognozlarga ko‘ra, yog‘ingarchiliklardan so‘ng mamlakatda ob-havo haroratining nisbatan iliqlashishi fonida atmosferada inversiya jarayonlari yana faollashmoqda. Sinoptiklar ekologik vaziyatning yomonlashishini aynan yog‘ingarchilikdan keyin harorat oshishi bilan bog‘liq inversion jarayonlar kuchayishi bilan izohlamoqda.

Ushbu jarayon respublikaning ko‘plab hududlarida, jumladan, Toshkent shahri, Samarqand va Jizzax viloyatlarida ayniqsa yaqqol namoyon bo‘lib, ertalab, kechqurun va tungi soatlarda atmosferaning pastki qatlamlarida havo almashinuvining cheklanishiga olib kelmoqda.

Respublika bo‘ylab iliq ob-havo harorati hamda inversiya jarayoni dastlabki prognozlarga ko‘ra mazkur haftaning oxirigacha saqlanib turishi kutilmoqda.

• Chang
• Ob-havo
• Toshkent