O‘zbekiston Respublikasining Turkiyadagi Elchixonasiga kelib tushgan ma’lumotlar asosida, xorijda ota-onasi qaramog‘idan mahrum bo‘lgan voyaga yetmagan qizni vatanga qaytarish chora-tadbirlari boshlangan.

Oila va xotin-qizlar qo‘mitasi va O‘zbekiston Respublikasining Turkiyadagi Elchixonasining sa’y-harakatlari natijasida voyaga yetmagan qiz kecha, 15-aprel kuni Toshkent xalqaro aeroportida Oila va xotin-qizlar qo‘mitasi, Ichki ishlar vazirligi hamda Ijtimoiy himoya milliy agentligining mas’ul xodimlari tomonidan kutib olindi.

Hozirda u Toshkent shahar voyaga yetmaganlarga ijtimoiy-huquqiy yordam ko‘rsatish markaziga vaqtincha joylashtirildi. Joylashtirishning muqobil shakli belgilangunga qadar qizga ushbu markazda zarur ijtimoiy-huquqiy yordam ko‘rsatish rejalashtirilgan.

Voyaga yetmagan bolalarning doimiy ro‘yxatdan o‘tgan joyidagi “Inson” ijtimoiy xizmatlar markazlari olib kelinayotgan bolalarni oilaviy muhitga qaytarish bo‘yicha chora-tadbirlar ko‘rmoqda.

• Ijtimoiy himoya
• O‘zbekiston
• Turkiya