2026-yilda AQSh, Kanada va Meksika yashil maydonlarida bo‘lib o‘tuvchi futbol bo‘yicha Jahon chempionatining saralash bosqichi davom etmoqda. 8-turdan so‘ng Osiyo qit’asi uchun berilgan 8 ta yo‘llanma uchun kurash kulminatsion nuqtasiga yetdi. Yaponiya hamda Eron terma jamoalari allaqachon mundialdagi ishtirokini hal qilgan bo‘lsa, O‘zbekiston terma jamoasida ham imkoniyatlar yuqori.

“A” guruhidagi ikkinchi to‘g‘ridan to‘g‘ri yo‘llanma uchun Qatar termasi kurashdan chiqdi. 2022-yilgi Jahon chempionati mezbonlari 10 ochko bilan 4-o‘rinni band etmoqda. Shuningdek, Qirg‘iziston termasi uchun ham mundial imkoniyatlari saqlanib turibdi. Ayni paytda BAA vakillari 13 ochko bilan 3-o‘rinda bormoqda. 2-o‘rindagi O‘zbekiston yaqin ta’qibchisidan 4 ochko ildamlab ketgan. 5-iyun kuni Birlashgan Arab Amirliklarida bo‘lib o‘tuvchi BAA-O‘zbekiston bahsidagi durang natija yoki, 10-iyun kuni Toshkentda Qatar ustidan qozonilgan g‘alaba o‘zbekistonliklar uchun Jahon chempionatidagi ilk ishtirokni ta’minlaydi.

We Global Football portali milliy jamoalarning Amerika qit’asida bo‘ladigan mundialga yo‘llanma olish imkoniyatlarini baholadi. Unga ko‘ra, O‘zbekiston milliy jamoasining A guruhidan okean ortidagi Jahon chempionatiga to‘g‘ridan-to‘g‘ri yo‘llanma olish imkoniyati 96 foizga baholanmoqda. Qirg‘izistonga qarshi bahsdan keyin bu raqamlar 92,6 foizni tashkil qilayotgan edi.

• Jahon chempionati
• O‘zbekiston
• Terma jamoa