Mototsiklchi qiz ushbu poyga aks etgan videoni 11-iyul kuni Instagram’dagi sahifasiga joylashtirgan. Videolavhadan ma’lum bo‘lishicha, holat poytaxtning markazidagi Mustaqillik shoh ko‘chasida yuz bergan.

Mototsiklning tablosida ko‘rinishicha, ikkala tomon ham soatiga 100 km tezlikda harakatlangani ma’lum bo‘ladi. Holat yuzasidan Toshkent shahar IIBB YHXB Axborot xizmati boshlig‘i Qahramon Xudoyberganov munosabat bildirdi. Uning ta’kidlashicha, mototsikl haydovchisining hujjatlarida kamchilik bo‘lgan. Haydovchi ayol kishi bo‘lganligi uchun uning o‘zi mototsiklni jarima maydoniga haydab olib borgani, keyin esa YPX inspektori tomonidan ma’muriy bayonnoma rasmiylashtirilgani aytilgan.

Ammo, Xudoyberganov YPX xodimining xizmat mashinasida poytaxtning markaziy ko‘chasida katta tezlikda harakatlanib, mototsiklchi bilan poyga o‘ynaganiga izoh bermagan.

• Avtopoyga
• Toshkent
• YPX