Bugun, 28-oktyabr kuni O‘zbekistonning qator hududlarida kuchli shamol va chang-to‘zonlar kuzatilishi mumkin. Bu haqda “O‘zgidromet” xabar berdi.

Ma’lum qilinishicha, Buxoro, Navoiy, Toshkent, Samarqand, Jizzax, Sirdaryo viloyatlarida va tog‘li hududlarda ba’zi joylarda shamol tezligi 13-18 m/s.gacha kuchayishi, chang-to‘zonlar bilan kuzatilishi mumkin.

Shuningdek, Toshkent shahrida ham shamol tezligi 10-12 m/s.gacha kuchayadi. Chang ko‘tarilishi mumkin.

“Mazkur hududlar aholisi hamda mehmonlaridan ehtiyot choralarini ko‘rishlarini so‘raymiz”, deyiladi xabarda.

“O‘zgidromet”ning ta’kidlashicha, bunday ob-havoda fuqarolar ochiq havodagi faoliyatini qisqartirishi, xonadan tashqariga chiqqanda niqob taqishi kerak.

• Chang
• Ogohlantirish
• O‘zgidromet