“Earth Action” ekologik tashkiloti plastmassani qayta ishlamaydigan davlatlar ro‘yxatini e’lon qildi, deb yozadi “Zakon.kz”.

Qayd etilishicha, tashkilot olim va mutaxassislar ustida ishlagan yillik hisobotini e’lon qilgan. Ular so‘nggi besh yil ichida 84 mamlakatda plastik chiqindilarni boshqarish bo‘yicha ma’lumotlarni tahlil qilishgan.

Aniqlanishicha,mutlaq hisobda Xitoy dunyoda birinchi o‘rinni egallagan.

“U yerda 14 million tonnaga yaqin plastik idishlar qayta ishlanmaydi. Eritreya davlati anti-reyting bo‘yicha yetakchi bo‘ldi. Bu mamlakatda chiqindilarning deyarli 98 foizi e’tiborga olinmaydi. Tizim eng yaxshi Janubiy Koreyada o‘rnatilgan bo‘lib, u yerda plastik chiqindilarning 2,5 foizdan ko‘pi yo‘qolmaydi”, - deyiladi xabarda.

Hisobot mualliflariga ko‘ra, joriy yilda dunyoda 220 million tonna yangi chiqindilar hosil bo‘ladi. Shunday qilib, Rossiyada taxminan 3,1 million tonna plastmassa qayta ishlanmaydi yoki saqlash uchun poligonlarga yuborilmaydi. Ularning aksariyati tuproq va suv havzalarini ifloslantiradi.

• Hisobot
• Plastik idish