$
10803.97 UZS
-14.03
136.82 UZS
-0.87
12194.44 UZS
-15.84
18° Kechasi

Qashqadaryo “GAI”lariga har kuni 20tadan bayonnoma rasmiylashtirish majburiyati yuklandi

19:00 / 10.01.2022

Ijtimoiy tarmoqlarda Qashqadaryo viloyati IIB boshlig‘ining o‘rinbosari inspektorlardan kuniga 20 ta ma’muriy bayonnoma tuzish majburiyati haqida aytilgan audio tarqaldi.

Qashqadaryo viloyati IIB mazkur holat tegishli tartibda o‘rganilayotganini, tekshiruv yakuni bo‘yicha esa qo‘shimcha axborot berilishini ma’lum qildi.

Mazkur audioda viloyat IIB YHXB boshlig‘ining o‘rinbosari Shahriddin Qo‘shoqov va navbatchi E.Alimovning murojaati aks etgan bo‘lib, unda YPX xodimlari kun davomida 20 ta ma’muriy bayonnoma rasmiylashtirishi zarurligi aytilgan.

– Barcha tuman (shahar) “GAI”lari diqqatiga! Har bir holat (qo‘pollik va boshqalar) bo‘yicha protokol! 20tadan kam bo‘masin, – deydi Alimov murojaatida.

Shuningdek, Qo‘shoqov hudud rahbarlariga “mast” bo‘yicha (tadbir nomi, -tahr.) har kuni bittadan degan topshiriqni rahbarning (IIB YHXB boshlig‘i, -tahr.) o‘zi berganini, ammo natija bo‘lmayotganini aytib, topshiriq beradi.

 


O‘zbekiston