Oliy Majlis Senatining yalpi majlisida voyaga yetmaganlar huquqlarini himoya qilish tizimini takomillashtirish doirasida “O‘zbekiston Respublikasining ayrim qonun hujjatlariga o‘zgartish va qo‘shimchalar kiritish to‘g‘risida”gi qonun loyihasi ikkinchi o‘qishda moddama-modda ko‘rib chiqilmoqda.

Qonun loyihasi quyidagilarni nazarda tutadi:

— bolalar tasviri tushirilgan pornografik mahsulotni saqlaganlik uchun javobgarlikni belgilash;

— voyaga yetmaganlarni jinsiy zo‘ravonlikdan, shu jumladan Internet tarmog‘idan foydalangan holda himoya qilishga oid normalarni aniqlashtirish;

— Bolalarga nisbatan uyatsiz-buzuq harakatlar uchun javobgarlikni kuchaytirish maqsadida Jinoyat va Ma’muriy javobgarlik to‘g‘risidagi kodekslarga tuzatishlar kiritish;

— Jinoyat-protsessual kodeksiga voyaga yetmagan guvohlar va jabrlanuvchilarni so‘roq qilishning davomiyligini, shuningdek ularning qonuniy vakillari tergov harakatlarida ishtirok etishi tartibini belgilovchi qo‘shimchalar.

Voyaga yetmaganlarni so‘roq qilish tartib-qoidalariga alohida e’tibor qaratildi, endilikda qonunchilikda so‘roq qilish davomiyligini bir kun ichida aniq cheklash nazarda tutiladi, bu esa bolaga psixologik yuklamani minimallashtirish imkonini beradi.

• Oliy Majlis