Qashqadaryo viloyati Qarshi shahrida joylashgan 2-sonli yotoqxonada 3 sentyabr kuni 35 yoshli erkak 4-qavatidan tushib ketib halok bo‘ldi. Bu haqda “Nasafnews” xabar berdi.

Ma’lum qilinishicha, yotoqxonaning 4-qavatidagi uylardan birida yashovchi 1987-yilda tug‘ilgan erkak M.N. qo‘shnilari bilan janjallashib qolgan. Qo‘shnilar unga tig‘li buyumlar bilan jarohat yetkazgan. Fuqaro esa o‘zini himoya qilish maqsadida uyiga kirib, ustidan qulflab derazadan daraxtga sakramoqchi bo‘lgan vaqtida qulab tushib voqea joyida halok bo‘lgan.

Shuningdek, yotoqxonaning birinchi qavatida mahalla idorasi va hudud profilaktika inspektori xonasi joylashgan.

Hozirda marhum yashagan xonadon huquqni muhofaza qiluvchi organlar tomonidan muhrlangan. Hudud profilaktika inspektori voqea yuzasidan hozirda prokuratura organlari tomonidan tergov olib borilayotganini ma’lum qilgan.

• Baxtsiz hodisa
• Qashqadaryo