“O‘zaviatsiya” agentligi tomonidan Qozog‘istonning “Qazaq Air” aviakompaniyasiga O‘zbekistonga muntazam aviaqatnovlarni amalga oshirish uchun ruxsat berildi. Bu haqda agentlik matbuot xizmati xabar qildi.
Ruxsatnoma 13-mart kuni berilgan. Aviatashuvchi Turkiston – Samarqand – Turkiston yo‘nalishi bo‘yicha DHC-8−402 samolyotida parvozlarni amalga oshiradi.
Aviakompaniya fevral oyi oxirida shaharlar o‘rtasida to‘g‘ridan-to‘g‘ri reyslarni yo‘lga qo‘yish rejasini e’lon qilgan. 15-martdan boshlab parvozlar haftasiga ikki marta – har juma va yakshanba kunlari amalga oshiriladi:
• Turkistondan uchish – 20:20, Samarqandga qo‘nish – 21:20;
• Samarqanddan uchish – 22:10, Turkistonga qo‘nish – 23:10.
Bir tomonga chipta narxi 25 ming tengedan boshlanadi (Markaziy bankning 16-martdagi kursi bo‘yicha 706 ming so‘m).
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!