Bosh prokratura huzuridagi Departamentning To‘rtko‘l bo‘limi tomonidan Buxoro viloyati tomon harakatlanayotgan “Isuzu” rusumli yuk avtomobili to‘xtatilib yukxonasi ko‘zdan kechirilayotgan paytida, Buxoro viloyati Romiton tumanida yashovchi fuqaroga tegishli bo‘lgan qiymati 239,7 mln so‘mlik 10 ming 560 shisha qo‘lbola usulda tayyorlanib qalbaki aksiz markalar bilan yelimlangan alkagol mahsulotlari borligi aniqlangan. Va ashyoviy dalil sifatida olib qo‘yilgan.

Qayd etilishicha, To‘rtko‘l tumani G‘allakor ko‘chasida yashovchi shaxs ushbu mahsulotlarni 158 mln 400 mingga sotgan. Fuqaroning uyi xolislar ishtirokida ko‘zdan kechirilganda uning uyidan 5 litr miqdorda spirt va 5 400 dona shisha og‘ziga yopiladigan kapsula va boshqa anjomlar topilgan.

Mazkur holat yuzasidan Departamentning Qoraqalpog‘iston Respublikasi To‘rtko‘l tumani bo‘limi tomonidan O‘zbekiston Respublikasi JKning tegishli moddalari bilan jinoyat ishi qo‘zg‘atilib tergov harakatlari olib borilmqoda.

• Alkogol
• Buxoro
• Departament
• Qoraqalpog‘iston