Qozog‘iston Sog‘liqni saqlash vazirligi xabariga ko‘ra, Olmaota shahridagi Markaziy shahar klinik shifoxonasi bazasida vafot etgan 63 yoshli ayoldan bir nechta organlar olinib, olti kishining hayoti saqlab qolindi.

Qayd etilishicha, olamdan o‘tgan ayol 1962-yilda tug‘ilgan va uning yuragi 1988-yilda tug‘ilgan bemorga, jigari esa 1982-yilda tug‘ilgan bemorga ko‘chirib o‘tkazilgan. O‘ng buyragi 1996-yilda tug‘ilgan erkak hayotini saqlab qolgan, chap buyragi esa 2017-yil oktyabrdan buyon transplantatsiyani kutib kelgan 1966-yilda tug‘ilgan bemorga o‘tkazilgan. Bundan tashqari, donorning ko‘z shox pardalari 1983 va 1956-yilda tug‘ilgan ikki bemorga ko‘rish imkonini qaytargan.

Respublika markazi donor oilasiga ularning jasoratli qarori uchun chuqur minnatdorlik bildirgan, shuningdek, murakkab jarayonni yuqori darajada o‘tkazishga muvaffaq bo‘lgan tibbiyot mutaxassislarining hamjihat mehnatini e’tirof etgan.

• Donor
• Qozog‘iston
• shifoxona