Rossiyaga ishlash maqsadida borib, qiyin ahvolga tushib qolgan erkak O‘zbekistonga qaytarildi. Bu haqda Tashqi mehnat migrasiyasi agentligining matbuot xizmati xabar berdi.
Qayd etilishicha, O‘zbekiston fuqarosi bo‘lgan T.D. Rossiya Federasiyasiga ishlash maqsadida kelgan va ehtiyotsizligi oqibatida yiqilib, mehnat layoqatini yo‘qotgan.
Shundan so‘ng, fuqaro Tashqi mehnat migrasiyasi agentligining Moskva shahridagi vakolatxonasiga amaliy yordam so‘rab, murojaat qiladi.
Murojaat o‘rganilib, erkak Xorijda mehnat faoliyatini amalga oshiruvchi fuqarolarni qo‘llab-quvvatlash hamda ularning huquq va manfaatlarini himoya qilish jamg‘armasi hisobidan Nijnevartovsk-Novosibirsk-Farg‘ona yo‘nalishidagi aviareys orqali O‘zbekistonga qaytarildi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!